89

-1-

على شط البحر 

كان الصبي بيبني قلعته الوهمية من الرمل

وبعد ما بناها رفع علمه عليها عال

وهو حاسس بنشوة الانتصار

جه الموج عالي 

هد القلعة

قام الصبي جمع أدواته

وشال العلم

وفضل يلعب مع الموجة وهو واقف على الشط

لحد ما لقى حاجة عايمة على وش المايه

تشبه علمه

فرح قوي

بقى عنده بدل العلم اتنين

وبعد شوية بقوا تلاتة

وفي لحظة بعينها 

وقع العلم من ايه في المايه

وسحبه الموج مع الجزر

فضل واقف يراقبه على الشط

وهو خايف من الموج 

لحد ما عدى بياع العوامات

 وأدركت مامته حقيقة انه لازم يواجه خوفه

أول ما جت العوامة

كان عارف إنها هتساعده يتغلب على خوفه

وفعلا

نزل المايه وبدأ يعوم

جده كمان شجعه

لحد ما اتغلب على خوفه

وسابه في المايه

مستمتع

لحد ما شاف بنت واقفة على الشط

خايفة زي ما كان

عرض عليها عوامته

لكن هي رفضت

وفضلت على الشط

وفضل هو يعوم في المايه

الصبي اللي فهم الحياة ببساطة في يوم أجازة

رغم ان العلم اللي كان بيحميه ماكانش أكتر من شاليمو بلاستيك

والبحر ماكانش أكتر من الخوف من المجهول

واللي ممكن بشوية علم يتغلب عليه.

-2-

فاجأنا الراجل الغريب اللي طالع من الميه

بطلبه كيس بلاستيك

كان في ايده نضارة غطس

وكمان برنيطة كانت لبساها بنت

ودلوقتي هي وعاء للأخطبوط

أخطبوط صغير صاده وهو غايص

البنت صاحبة البرنيطة كانت خايفة

هو بقى لا

مسكه بايده وحطه جوا الكيس

وهو بيقول انه هياكله

وانه بيبقى لذيذ وغالي

ونزل تاني البحر يغوص ويصطاد.