Thursday, August 15, 2013

46

وأنام عشان أهرب من الواقع بكل مراره
فأشوفني في الحلم 
قاعدة مع اخواتي في محطة قطر
كل واحد فينا رايح في اتجاه
وفجأة أقع ع الأرض
أصل في رصاصة صابتني
أتوجع بس أحتمل
اروح البيت معاهم لماما وماتصدقش
تشوف الجرح وماتصدقش
يوريها أخويا فارغ الرصاصة
فارغ ازاز
وبحجم ماسورة مدفع
حاجة كده غير ممكنة
تقارن بين الجرح السطحي والرصاصة
تحمد ربنا
تداوي الجرح
وأنا أفضل أصرخ م الألم
ألم جقيقي
ملوش مثيل
يصحي أجدعها نايم بيحلم
أصحى من غير ما أتفزع
ولا حتى أستغرب م اللي شفته
وأحاول أكمل نوم تاني..
أصل الواقه مؤلم ومفزع أكتر من اللاوعي في حلم
أهرب إلى اللاوعي..

No comments:

Post a Comment