-1-
ممنوع تتبطر ع النعمة-
إيه يعني الحر اشتد؟
وصحيح مفيش تكييف
والمروحة على طول دايرة
بلا جدوى
والكهربا على طول قاطعة!
احمد ربك ..-
ناسي جدودك كانوا عايشينها ازاي؟
وأهي ازمة وبكرة تعدي..
-2-
ممنوع تتبطر ع النعمة-
إيه يعني الحر اشتد؟
والميه وإن طلعت
والكهربا قاطعة!
سودا هباب!
احمد ربك ..-
ناسي جدودك كانوا عايشينها ازاي؟
وأهي ازمة وبكرة تعدي..
-3-
ممنوع تتبطر ع النعمة-
إيه يعني الحر اشتد؟
والتليفزيون تافه
بين ماتش زمالك
وانتخابات محسومة أساسًا
وفلوسنا بتتنتور يمين وشمال
والكهربا على طول قاطعة
والفحم يحل مكانها
يزود شرد الصيف القاسي
والميه سودا هباب
والغلبان ازاي هينام؟
قول إزاي هيعيش؟
إزاي ؟
احمد ربك ..-
ناسي جدودك كانوا عايشينها ازاي؟
وأهي ازمة وبكرة تعدي..
No comments:
Post a Comment